طبعًا السؤال الشَّائِع هو:
عيسى اتكلِّم عن نبي هييجي بعده، ليه مش بتصدَّقوه؟
الإجابة السَّهلة والبسيطة للسؤال ده هي:
من فضلك اقرا الإنجيل، مش هتلاقي الكلام ده موجود .. المرة الوحيدة اللي المسيح اتكلِّم فيها عن حَدّ هييجي بعدُه .. هي لما كان بيكلِّم تلاميذه (حواريه) .. عن اللي هيحصَل معاهم وليهم بعد موته وقيامته (بعثُه) .. وكان بيكلِّمهم عن [الروح القُدُس]، مش عن نبي .. وده المرادف ليه في القرآن [ِروحِ القُدُسِ] البقرة ٨٧ .. وده [روح الله شخصيًّا]، مش إنسان ..
وكان المسيح بيقول عنه كذا حاجة، هختار منهم ٣ حاجات:
(١) [أرسله أنا إليكم] الإنجيل بحَسَب يوحنَّا ٢٦:١٥
يعني الروح القدس مُرسَل من المسيح ..
أو ببساطة هو [رسول المسيح]!
(٢) [يَمكُث معكم إلى الأبد] الإنجيل بحَسَب يوحنَّا ١٦:١٤
يعني الروح القُدُس هيفضل مع التلاميذ للأبد ..
وده طبيعي لأنه روح الله، مش إنسان!
(٣) [هو يُعلِّمكم كل شيء ويُذكِّركم بكل ما قلته لكم] الإنجيل بحَسَب يوحنَّا ٢٦:١٤
يعني الروح القدس هيعلِّم التلاميذ (مش حَدّ تاني) ..
وهيفكَّرهُم بكلام المسيح، اللي قاله لما كان عايش معاهم .. وده الكلام اللي بين إيدينا دلوقتي في الكتاب المُقدَّس .. اللي [روح الله] أوحى بيه للتلاميذ عشان يكتبوا الإنجيل.
يعني إجابة سؤال: عيسى اتكلِّم عن نبي هييجي بعده، ليه مش بتصدَّقوه؟
لأنه ببساطة متكلِّمش عن نبي هييجي بعدُه ..
لأننا بعد المسيح مش محتاجين حَدّ تاني بعدُه.
لو عاوز تعرف أكتر عن اللي قاله وعملُه المسيح ..
اشجَّعك تقرا بنفسك الكتاب المُقدَّس ..
أسهل وأبسط ترجمة متاحة على الإنترنت والموبايل ..
